தமிழ்வெளி இணையதளம் தமிழ் வலைப்பதிவுகள் மற்றும் செய்தி உலகில் ஒரு முக்கிய இடம்பெற காரணமாக இருந்த வாசகர்களுக்கும், தமிழ் வலைப்பதிவர்கள் மற்றும் செய்தி பதிவுகள் தளங்களுக்கும் தமிழ்வெளியின் நன்றியை உரித்தாக்குகிறோம்.
தமிழ்வெளி சில நண்பர்களுடைய உழைப்பின் உதவியினால் இவர்களின் அன்றாட வேலைகளுக்கு இடையில் நேரம் ஒதுக்கி நடத்தப்படுகிறது, இது ஒரு முழுநேரமாகவோ லாப நோக்கிலான நிறுவனமாகவோ நடத்தப்படவில்லை தமிழ்வெளி திரட்டியின் மிகப்பெரும்பாலானவைகள் தானியங்கி முறையில் நடைபெறுகின்றன, முழு நேரமும் தமிழ்வெளியில் அமர்ந்து அட்மின் வேலை செய்துகொண்டிருப்பது தமிழ்வெளியை நடத்தும் தனி நபர்களுக்கு சாத்தியமற்றது...
தொடர்பில்லாத குறிசொற்கள்
சில வலைப்பதிவுகள், தளங்கள் பதிவிற்கு தொடர்பில்லாத குறிசொற்கள் தந்து தங்கள் பதிவுகளை முன்னிறுத்துகின்றனர். அது போன்றே ஒரே நேரத்தில் வாசகர் பரிந்துரையை முழுமையாக ஆக்கிரமிக்கின்றனர், முழுநேரமும் எங்களால் இதை கண்காணிப்பதுவோ ஒவ்வொருமுறை எச்சரிக்கை அனுப்புவதும் நடைமுறையில் இயலாத ஒன்று என்பதால் இனி இம்மாதிரி தவறான குறிசொற்களை தரும் வலைப்பதிவுகள், வாசகர் பகிர்ந்தவைகள் முன்னறிவிப்பின்றி தமிழ்வெளியிலிருந்து நீக்கப்படும் மேலும் இந்த வலைப்பதிவுகள், பயனர்கள் தமிழ்வெளியில் இணைக்கப்படுவது தடை செய்யப்படும்..
காப்பி & பேஸ்ட் தளங்கள் மற்றும் வலைப்பதிவுகள்
தமிழ்வெளி தளத்தில் இதுவரை செய்தி தளங்கள், லாப நோக்குடன் நடத்தப்படும் தமிழ்தளங்களை தடைசெய்யவில்லை, ஆனால் சில வலைப்பதிவுகளும் இணையதளங்களும் தங்கள் தளத்தில் பெரும்பாலும் அல்லது முழுவதும் தங்கள் சொந்த செய்திகள் அல்லாத விசயங்களையே போடுவதாலும் ஒரே செய்தியே வெவ்வேறு வலைப்பதிவுகள் மற்றும் செய்தி தளங்களால் தமிழ்வெளியில் இணைக்கப்படுவதாலும் ஒரே செய்தி திரும்ப திரும்ப தமிழ்வெளி தளத்தில் வெளிவருகின்றது. இவை தமிழ்வெளி வாசகர்களுக்கு எரிச்சலூட்டுவதாலும் இது தொடர்பாக தமிழ்வெளிக்கு நிறைய முறைப்பாடுகள் வந்துள்ளதாலும் இது தொடர்பாக நடவடிக்கை எடுக்க வேண்டிய சூழல் உள்ளது. யாருடைய செய்தி உண்மை, எது காப்பிரைட்டுக்குட்பட்டது என்ற சர்ச்சையினுள் தமிழ்வெளி இறங்காது ஆனால் தொடர்ச்சியாக காப்பி & பேஸ்ட்க்காக நடத்தப்படும் இணையதளங்கள், வலைப்பதிவுகள் முன்னறிவிப்பின்றி நீக்கப்படும். அதே போன்று ஒரே தளத்திற்க்காக பல்வேறு வலைப்பதிவுகள் உருவாக்கி அதிலிருந்து இணைப்பு கொடுக்கப்படும் தளங்களும் அந்தந்த தளங்களுக்கேற்ப பரிசீலித்து நீக்கப்படும்.
தமிழ்வெளி தொடர்ச்சியாக வாசகர்களுக்கும், வலைப்பதிவர்களுக்கும், செய்தி தளங்களுக்கும் சிறப்பான சேவையை வழங்குவதற்காகவே கடந்த நான்காண்டுகளில் முதன்முறையாக இம்மாதிரியான கட்டுப்பாட்டை ஏற்படுத்துகிறோம்...
தமிழ்வெளியில் திரட்டப்படாத பதிவுகள் பற்றி தெரிவியுங்கள்
சிலரின் வலைப்பதிவுகள், தளங்கள் மேற்கூறப்பட்ட எந்த காரணங்களும் இல்லாமல் தொழில்நுட்ப காரணங்களால் திரட்டப்படாமல் போயிருக்கலாம், எனவே உங்கள் தளம் திரட்டப்படவில்லை என்ற சந்தேகமிருப்பின் எங்களுக்கு admin(at)tamilveli.com என்பதற்க்கு மின்மடல் அனுப்பவும், தொழில்நுட்ப காரணங்கள் தவறுதலாக திரட்டப்படாமல் இருந்தால் உடனடி நடவடிக்கை எடுப்போம்
இது தொடர்பான முறைப்பாடுகள் இருப்பின் அதில் தமிழ்வெளி நிர்வாகத்தின் முடிவே இறுதியானது...
தமிழ்வெளி ஒரு மாற்று ஊடகத்தை பெறும் முயற்சி... தமிழ்வெளியில் திரட்டப்படும் பதிவுகளுக்கு எந்த அரசியலையும் தமிழ்வெளி கடைபிடிப்பது இல்லை... எந்த குரலையும் மறுப்பதில்லை... மிகுந்த நேர நெருக்கடி, பொருள்நெருக்கடி, உழைப்பில் நடத்தப்படும் தமிழ்வெளி தளத்திற்க்கு புரிந்துணர்வுடன் கூடிய உங்களின் ஒத்துழைப்பை வேண்டுகிறோம்.
